-
Përktheu:
Flutura Gashi-Mehmeti
- 12 nëntor 2024 21:07
- Shpërndaje në:
Kryeministri izraelit, Benjamin Netanyahu ka paralajmëruar popullin iranian se një sulm tjetër ndaj Izraelit do të gjymtonte ekonominë e Iranit.
Në një videoadresim të publikuar të martën, Netanyahu ka pohuar se kostoja e Iranit për sulmin e tij më të fundit ndaj Izraelit ishte 2.3 miliardë dollarë amerikanë, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Unë e di që ju nuk e dëshironi këtë luftë. As unë nuk e dua këtë luftë. Populli i Izraelit nuk e dëshiron këtë luftë. Ekziston një forcë që e vë familjen tuaj në rrezik të madh: tiranët e Teheranit. Kjo është ajo”, ka deklaruar Netanyahu.
Izraeli ka sulmuar objektivat ushtarake në Iran me një seri sulmesh ajrore në tetor, në hakmarrje për breshërinë e raketave balistike që Republika Islamike gjuajti mbi Izraelin në fillim të muajit.
Që nga prilli i kaluar, Izraeli dhe Irani kanë shkëmbyer sulme.
Tensionet po rriten pas luftës Izrael-Hamas që filloi pasi militantët palestinezë sulmuan Izraelin më 7 tetor 2023, duke vrarë rreth 1,200 njerëz, kryesisht civilë, dhe duke rrëmbyer 250 të tjerë.
Ofensiva e pandërprerë e Izraelit në Gaza që atëherë ka lënë të vdekur më shumë se 43,000 njerëz.
Netanyahu është zotuar të vazhdojë luftën në Gaza deri në "fitoren totale" ndaj Hamasit dhe është zotuar të kthejë pengjet në shtëpi.