Ahmed el Ahmed kalimtari që çarmatosi një nga personat e armatosur gjatë sulmit në plazhin Bondi në Sidnei, veproi me “ndërgjegje të pastër dhe humanizëm”, ka thënë familja e tij për “BBC”.
Në sulmin në Sidnei të Australisë, në një festë hebraike, u vranë 15 persona, ndërsa vdiq edhe një nga sulmuesit.
Videot e Ahmedit duke çarmatosur një nga sulmuesit janë bërë virale.
Babai i Ahmedit, Mohamed Fateh el Ahmed, tha se djali i tij nuk hezitoi kur pa njerëzit duke u sulmuar.
“Ahmed u nxit nga ndjenja, ndërgjegjja dhe humanizmi i tij, kur nxitoi përpara, ndaloi personin e armatosur dhe ia rrëmbeu armën”, tha ai.
Ai shtoi se Ahmedi kishte dalë me një mik për të pirë kafe, kur pa ngjarjen.
“Ai pa viktimat, gjakun, gratë dhe fëmijët e shtrirë në rrugë dhe pastaj veproi”, tha babai i tij.
Sipas familjes, gjendja e Ahmedit është e qëndrueshme dhe ai po pret trajtim të mëtejshëm mjekësor për plagët në shpatull që ka marrë nga arma e zjarrit dhe po ashtu në dorë.
Në Siri, ku Ahmedi u lind dhe u rrit, xhaxhai i tij Mohamed Ahmed al Ahmed, i ka thënë BBC-së se familja ndjeu krenari të madhe.
“Ai na bëri krenarë ne, fshatin tonë, Sirinë, të gjithë myslimanët dhe të gjithë botën”, tha ai.
This is the moment a brave hero tackled and disarmed one of the shooters at Bondi Beach in Sydney.https://t.co/Hrfvpiz5az