Presidenti francez, Emmanuel Macron, ka lavdëruar popullin ukrainas përmes një postimi në rrjetin social X, tek ka thënë se ata nuk po luftojnë vetëm për atdheun e tyre por për mbarë Evropën.
Më tutje, ai ka shtuar se reagimi i vendeve evropiane ndaj agresionit të Rusisë duhet të jetë kolektiv, e që sipas tij kjo është arsyeja se pse ka udhëtuar në Kiev së bashku me liderët e tjerë evropianë nga Gjermania, Polonia dhe Britania e Madhe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMacron ka ndarë gjithashtu tri mesazhe kyçe sa i përket zgjidhjes së konfliktit në Ukrainë.
Së pari, “paqja e drejtë dhe e qëndrueshme fillon nëpërmjet armëpushimit të plotë dhe pa kushte”, ka thënë ai.
Së dyti, “marrëveshja e paqes që do të ndërtohet duhet të garantojë sigurinë e saj”, ka vazhduar Macron.
E për fund, “një Ukrainë e lirë, e fortë, e begatë dhe evropiane: ky është vizioni ynë”, ka shtuar presidenti francez.
