Lideri verikorean Kim Jong Un ka thënë se Koreja e Veriut e përkrah plotësisht “operacionin ushtarak të Rusisë në Ukrainë” gjatë takimit që ka pasur në Pyongang me presidentin rus Vladimir Putin, raporton agjencia ruse e lajmeve “Interfax”.
Kim po ashtu ka thënë se Koreja e Veriut synon ta forcojë “bashkëpunimin strategjik me Rusinë”.
Ai ka thënë se të dy shtetet po futen “në një fazë të re të prosperitetit”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoE presidenti i Rusisë, Vladimir Putin, ka thënë se “bashkëpunimi mes Rusisë dhe Koresë së Veriut është krijuar mbi parimet e barazisë dhe respektit të ndërsjellë”.
“Për shumë dekada, miqësia e fortë dhe fqinjësia e mirë e ngushtë e kanë lidhur Rusinë dhe Korenë e Veriut”, ka thënë Putin.
Ai ka njoftuar për “një dokument të ri themelor” për lidhjet Rusi – Kore e Veriut.
“Vitin e kaluar, si rezultat i vizitës suaj në Rusi, ne kemi bërë përparim të rëndësishëm në ndërtimin e marrëdhënieve tona ndërshtetërore sot. Sot është përgatitur një dokument i ri themelor, që do të përbëjë bazën e marrëdhënieve tona afatgjate”, tha Putin, që e ka ftuar Kim Jong Unin për vizitë në Moskë.
Agjencia ruse e lajmeve “Tass” ka njoftuar se Putin dhe Kim sy më sy për të biseduar “për çështje më të rëndësishme dhe të ndjeshme”.
Për Putinin është vizita e parë në Kore të Veriut pas 24 vjetëve.