“Ka ardhur koha që Sanxhaku me kufijtë e vet ta ketë lirinë e vet”

Dje në Novi Pazar është mbajtur një protestë me të cilën është shënuar 100 vjetori i pushtimit të Sanxhakut nga Mbretëria serbe, kroate e sllovene, transmeton Koha.net.

Para fillimit të protestës, sekretari i përgjithshëm i Partisë së Veprimit Demokratik (Stranka demokratske akcije - SDA) Ahmedin Shkrijel u ka thënë qytetarëve protestues se ka ardhur koha që Sanxhaku me kufijtë e vet, ta fitojë lirinë dhe vendin e vet nën diell.

Ai ka theksuar se krijuesit e Mbretërisë së SKS-së i kanë injoruar tërësisht interesat e Sanxhakut si entitet i posaçëm politik e që ishin përfshirë përmes Rezolutës së Sjenicës në vititn 1917.

“Përfshirja e Sanxhakut në territorin e Mbretërisë së SKS-së ka qenë në kundërshtim me vullnetin dhe interesin e qytetarëve të Sanxhakut, të cilëve iu mor e drejta që tërthorazi ose përmes përfaqësuesve të vet t’i mbrojnë interesat e veta”, citon “blic” i Beogradit të ketë thënë Shkrijel.

Ai ka shtuar se me këtë protestë dërgohet mesazhi se qytetarët e Sanxhakut më nuk do të tolerojnë që ndokush t’i vërë para aktit të kryer

Edhe Botë 26 dhj 2018 Sanxhaku me protesta shënon pushtimin njëshekullor nga Serbia

“Çdo zgjidhje në kundërshtim me interesat e Sanxhakut dhe të qytetarëve të tij, për ne do të jetë e papranueshem dhe dhe jo detyruese”, ka përfunduar Shkrijel.

Në protestë mori pjesë edhe lideri i SDA-së së Sanxhakut Sulejman Ugljanin.