Izraeli kërcënon Libanin se do t’ia bëjë si Gazës

Ministri i Mbrojtjes i Izraelit, Israel Katz, ka deklaruar se ushtria izraelite do të shkatërrojë shtëpitë në jug të Libanit, ashtu siç bëri në Gaza, në atë që ai e përshkruan si një përpjekje të shtuar për të eliminuar militantët e Hezbollahut.

Katz tha se Izraeli do të zbatojë “modelet e Rafahut dhe Beit Hanounit”, duke iu referuar dy qyteteve kufitare në Gaza që u shkatërruan gjatë ofensivës në territorin palestinez.

Ai shtoi se ushtria nuk po kufizohet vetëm me  shkatërrimin e infrastrukturës së Hezbollahut, por po shkatërron edhe shtëpitë në fshatrat libaneze pranë kufirit, të cilat, sipas tij, “shërbejnë praktikisht si baza terroriste”.

Kryeministri izraelit, Benjamin Netanyahu ditë më parë ka kërkuar ndihmën e aleatëve perëndimor për të sulmuar Iranin, pas sipas tij, përbën kërcënim për të gjithë.