-
Përktheu:
Flutura Gashi-Mehmeti
- 2 mars 2026 14:45
- Shpërndaje në:
Shefi i sigurisë kombëtare të Iranit, Ali Larijani, ka paralajmëruar të hënën se vendi është "përgatitur për një luftë të gjatë", pasi bombardimet amerikane dhe izraelite gjatë fundjavës shkaktuan një valë dhune rajonale.
"Irani, ndryshe nga Shtetet e Bashkuara, është përgatitur për një luftë të gjatë", ka thënë Larijani në një postim në X. "Ashtu si në 300 vjetët e fundit, Irani nuk e filloi këtë luftë dhe Forcat tona të Armatosura të guximshme nuk janë përfshirë në asnjë sulm përveçse në mbrojtje”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Ne do ta mbrojmë me forcë veten dhe qytetërimin tonë 6,000-vjeçar pavarësisht kostove dhe do t'i bëjmë armiqtë të pendohen për llogaritjen e tyre të gabuar", ka shtuar kreu i sigurisë.
Fushata ushtarake amerikano-izraelite ka lënë të vdekur udhëheqësin suprem të Iranit, Ajatollah Ali Khamenei, të shtunën, duke shkaktuar sulme hakmarrëse nga Teherani në bazat ajrore amerikane në rajon dhe duke shkaktuar sulme të mëtejshme në vende të tjera përreth.
Qindra njerëz janë vrarë - përfshirë të paktën 555 njerëz vetëm në Iran, sipas Shoqatës së Gjysmëhënës së Kuqe.
