Ministri i Jashtëm i Iranit, Abbas Araghchi, deklaroi se vrasja e Ali Larijanit nuk do t’i japë goditje fatale udhëheqjes iraniane, duke theksuar se sistemi në Iran nuk varet nga një individ.
Në një intervistë për “Al Jazeera”, të transmetuar pasi Teherani konfirmoi vrasjen e Larijanit, Araghchi ka thënë se Shtetet e Bashkuara dhe Izraeli ende nuk e kanë kuptuar se qeveria iraniane nuk mbështetet në një person të vetëm.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk e di pse amerikanët dhe izraelitët ende nuk e kanë kuptuar këtë pikë: Republika Islamike e Iranit ka një strukturë të fortë politike me institucione të konsoliduara politike, ekonomike dhe shoqërore. Prania apo mungesa e një individi nuk e ndikon këtë strukturë”, ka thënë ai.
Ai shtoi se individët sigurisht kanë ndikim dhe secili luan rolin e vet, disa më mirë e disa më dobët, por në thelb sistemi politik në Iran është “shumë i fortë”.
Araghchi iu referua edhe vrasjes së liderit suprem të vendit, Ali Khamenei, i cili sipas tij u vra në ditën e parë të sulmeve amerikano-izraelite më 28 shkurt. Ai theksoi se, pavarësisht humbjes së madhe kombëtare, “sistemi vazhdoi të funksionojë”.
“Nuk kishim askënd më të rëndësishëm se vetë lideri, dhe edhe kur ai u bë dëshmor, sistemi vazhdoi të punojë dhe menjëherë siguroi zëvendësimin. Nëse dikush tjetër do të bëhej dëshmor, do të ishte e njëjta gjë. Nëse ministri i Jashtëm do të vritej, dikush tjetër do ta merrte detyrën”, u shpreh ai.
Vrasja e 67-vjeçarit Larijani në sulmin e së hënës në mbrëmje përbën eliminimin e figurës më të lartë në udhëheqjen e Teheranit që nga fillimi i sulmeve ajrore dhe luftës 19-ditore. Larijani ishte një bashkëpunëtor i afërt i Khameneit, si dhe i djalit dhe pasuesit të tij, Mojtaba Khamenei.
Mediat shtetërore iraniane konfirmuan gjithashtu se gjenerali Gholamreza Soleimani, komandant i forcave Basij – një grup paramilitar nën Gardën Revolucionare (IRGC) – u vra në një sulm nga “armiku amerikano-sionist”.
Soleimani, i cili kishte drejtuar forcat më të fuqishme të sigurisë së brendshme të vendit për gjashtë vjetët e fundit, konsiderohej një figurë kyçe në organizimin e rezistencës ndaj luftës që SHBA-ja dhe Izraeli po zhvillojnë kundër Iranit.