Një zyrtar i lartë i Hamasit, ka thënë të martën se grupi militant s’është më i interesuar për bisedime të armëpushimit, pasi kryeministri izraelit, Benjamin Netanyahu, ka njoftuar për planin e ri për intensifikim të ofensivës ushtarake në Rripin e Gazës, ka raportuar The Guardian.
“Nuk ka logjikë të angazhohemi në bisedime apo të konsiderojmë propozimet e reja të armëpushimit përderisa lufta e urisë dhe lufta shfarosëse vazhdon në Gazë”, ka thënë Basem Naim, teksa i ka bërë thirrje komunitetit ndërkombëtar “t’i bëjë presion qeverisë së Netanyahut me qëllimin që t’u jepet fund krimeve të urisë, etjes dhe vrasjeve”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi i bëri këto komente një ditë pasi ushtria izraelite pati njoftuar për operacione të zgjeruara ushtarake në Gazë, që përfshijnë zhvendosjen e “shumicës” së banorëve nga territori i enklavës palestineze.
Izraeli ka kryer sulme të përditshme në Gazë që nga përfundimi i armëpushimit me Hamasin, në muajin mars.
Ndër të tjera, ka ndalur edhe qasjen e të gjitha importeve të produkteve ushqimore dhe atyre mjekësore në Rripin e Gazës, në atë që autoritetet izraelite e kanë kualifikuar si përpjekje për ta detyruar Hamasin t’i lirojë pengjet.