Gruaja ruse Darya Trepova është dënuar me 27 vjet burgim për vrasjen e blogerit pro-luftës Vladlen Tatarsky prillin e kaluar, shkruan BBC të enjten.
Tatarsky u vra nga një bombë e vendosur në një statujë të vogël që i dha Trepova, teksa ishte gati të mbante fjalim në Shën Petersburg. Dhjetëra u plagosën nga shpërthimi.
Trepova, 26 vjeç, mohoi akuzat, duke thënë se mendonte se statuja përmbante pajisje dëgjimi.
Ajo ka thënë se kishte vepruar me urdhrin e një kontakti ukrainas.
Dënimi është një nga më të ashprit të shqiptuar ndaj një gruaje në historinë e Rusisë.
Sulmi ndaj Tatarsky, 40 vjeç, (emri i vërtetë Maxim Fomin) ndodhi më 2 prill 2023.
Edhe
E dyshuara për shpërthimin në kafenenë në Rusi akuzohet për terrorizëm
Trepova akuzohej për “akt terrorist të kryer nga një grup i organizuar duke shkaktuar vdekje të qëllimshme” dhe “mbajtje pa leje të mjeteve shpërthyese nga një grup i organizuar”.
Hetuesit rusë kanë akuzuar Ukrainën se qëndron pas sulmit dhe zyrtarët ukrainas as e kanë konfirmuar e as mohuar këtë.
