Qyteti jugor i Ukrainës, Kherson, u bombardua rëndë të shtunën mbrëma, duke shkaktuar zjarre në pjesë të ndryshme të qytetit. Janë plagosur të paktën dy persona.
"Unë thjesht shkova për të fjetur, por nuk po flija ende, kur dëgjova goditjen, shpërthimin dhe më pas grumbujt e xhamit ranë në shtratin tim", tha 55-vjeçari Mykhailo Mykhailov ndërsa një ndihmës i fashoi dorën e gjakosur. “Gjysma e shtëpisë është shkatërruar”, shtoi ai.
Ukraina është përballur me sulme të ashpra të artilerisë dhe sulmeve ruse me dronë që nga fillimi i tetorit. Granatimet kanë qenë veçanërisht intensive në Kherson që kur forcat ruse u tërhoqën dhe ushtria e Ukrainës rimori qytetin jugor tre javë më parë.
