-
Përktheu:
Shkëlzen Dema
- 19 mars 2025 13:35
- Shpërndaje në:
Qeveria gjermane në largim është pajtuar për t’i dhënë këtë vit Ukrainës ndihma shtesë ushtarake mbi 3 miliardë euro, pasi ligjvënësit kanë aprovuar planet për rishikime buxhetore, ka raportuar agjencia e lajmeve “Reuters”.
Derisa pasiguria rritet rreth garantimeve të sigurisë nga Shteteve të Bashkuara të Amerikës, nën presidencën e Donald Trumpit, shtetet evropiane janë nën presion në rritje për të shfaqur vendosmërinë e tyre ndaj Ukrainës në luftën e saj me Rusinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistri i Financave i Gjermanisë, Joerg Kukies, ka njoftuar komitetin parlamentar për buxhet se janë arritur kushtet për autorizimin e fondeve shtesës.
Sipas një dokumenti, Ministria e Financave është pajtuar për shpenzime shtesë prej 2.54 miliardë eurosh për këtë vit dhe bashkë me disa shuma tjera, duke përfshirë edhe një rimbursim nga Fondi Evropian i Paqes, Gjermania do t’i ofrojë edhe 3 miliardë euro ndihmë ushtarake për Ukrainën.
Për vitet 2026 deri në 2029, Kukies planifikon ta autorizojë zotimin e mbi 8.2 miliardë eurove në ndihmë ushtarake për Ukrainën, duke arritur totalin në më shumë se 11 miliardë euro.
Komiteti i buxhetit pritet të aprovojë fondet të premten, nëse Dhoma e Lartë e Parlamentit aprovon ndryshimet kushtetuese për t’i larguar kufizimet buxhetore.