Fallxhorja që bëri milionat me “parashikimet” për pasuri, bie në pranga

Nënë e bijë janë arrestuar për mashtrim dhe përfitim të gati 46 milionë dollarëve nga disa persona në Australi. Njëra pretendon se është fallxhore e tjetra mjeshtre e “feng shui” – praktikë kineze me qëllimin e balancimit të energjisë për të sjellë harmoni, pasuri, shëndet. 

Nëna 53 vjeçe pretendohet se i bindi viktimat të merrnin kredi duke u thënë se parashikonte pasuri miliardëshe në të ardhmen e tyre. 

Ajo përballet me 39 akuza, përfshirë udhëheqjen e aktiviteteve të një grupit kriminal dhe përfitimit financiar përmes mashtrimit. 

Vajza e saj 25 vjeçe akuzohet për 7 vepra, përfshirë pjesëmarrjen në grup kriminal. 

Gjatë bastisjes në rezidencën e tyre luksoze multi-milionëshe, policia sekuestroi dokumente, telefona, çanta të shtrenjta, ari dhe gjësende të tjera me vlerë. 

Policia australiane ka thënë se gruaja ishte anëtare me ndikim dhe e besuar e komunitetit të saj dhe se si fallxhore pretendonte se ua lexonte të ardhmen klientëve, disa prej të cilëve ishin në vështirësi financiare. 

Edhe Futboll 29 nën 2025 Punëtorja që vodhi 230 mijë euro te Chelsea rrezikon burgim

Ajo u thoshte klientëve se do të bëheshin miliarderë, e se kjo do të vinte herët a vonë nëse do të merrnin kredi. Nga kjo kredi, ajo merrte një pjesë të mirë për veten. 

Policia ka thënë se ato janë pjesë e një sindikate kriminale, një grup që pretendohet se mashtroi banka australiane me deri në 250 milionë dollarë – me stafin e korruptuar brenda bankës që aprovonte ato kredi në ndihmë të sindikatës.