Presidenti amerikan, Donald Trump, raportohet t’i ketë dorëzuar një letër nga zonja e parë e Shteteve të Bashkuara të Amerikës, Melania Trump, presidentit rus Vladimir Putin në Alaskë.
Letra ka ngritur çështjen e gjendjes së vështirë të fëmijëve si pasojë e luftës në Ukrainë, sipas dy zyrtarëve të lartë të administratës Trump.
Putini akuzohet nga Gjykata Ndërkombëtare Penale dhe përballet me urdhërarrest në 125 shtete, për rolin lidhur me zhvendosjen e dhunshme të qindra fëmijëve ukrainas. Ukraina e akuzon Rusinë se ka marrë dhjetëra mijëra fëmijë dhe i ka nisur drejt territoreve të pushtuara, pa lejen e prindërve të tyre.
E për letrën, presidenti ukrainas, Volodymyr Zelensky, e ka përgëzuar Melania Trumpin gjatë bisedës që pati me presidentin Trump të shtunën, ka konfirmuar ministri i Jashtëm ukrainas, Andri Sybiha. “Ky është akt i vërtetë i humanizmit”, ka shkruar ai në X.
Një ditë më parë, presidentët amerikanë e rusë u takuan në Alaskë, për çështjen e luftës në Ukrainë. Takimi zgjati rreth tre orë, ndërsa nuk pati ndonjë marrëveshje finale. Detajet nuk u bënë të ditura nga liderët, por se është raportuar se është diskutuar edhe për dorëzim të një pjese të territorit ukrainas.
-
Melania Trump hap “kanal komunikimi” me Putinin për fëmijët ukrainas
-
Publikohet letra që Melania Trump ia dërgoi Putinit
-
Trumpi i ofron ndihmë Putinit për arritjen e një marrëveshjeje me Ukrainën
-
Trump: Rusia të arrijë marrëveshje për t’i dhënë fund luftës
-
Trump: Është Zelensky, jo Putini, ai që po e pengon paqen në Ukrainë