Kreu i njërës prej bandave më të mëdha të trafikut të drogës në Ekuador është kapur në një operacion ku është përfshirë policia spanjolle, ka njoftuar të dielën presidenti i Ekuadorit, Daniel Noboa, raportoi BBC-ja.
Wilmer "Pipo" Chavarria, kreu i Los Lobos, u arrestua në qytetin e Malagas, sipas Policisë spanjolle.
Noboa tha se Chavarria ka falsifikuar vdekjen e tij, ka ndryshuar identitetin dhe është fshehur në Evropë, ndërkohë që vazhdonte të kontrollonte operacionet kriminale në Ekuador, duke përfshirë urdhërimin e vrasjeve.
Familja e tij ka pohuar në vitin 2021 se ai ka vdekur nga një atak në zemër për shkak të Covidit.
Si Ekuadori ashtu edhe SHBA-ja e kanë shpallur Los Lobos (Ujqërit) organizatë terroriste.
Edhe
Arrestohet “El Diablo”, bosi më i kërkuar i drogës në Kosta Rika
Në një postim në X, ministri i brendshëm i Ekuadorit, John Reimberg, i cili tha se ishte në Spanjë me policinë, kapjen e Chavarrias e ka cilësuar si "ditë historike" për vendin e tij.
Los Lobos vlerësohet të ketë 8,000 anëtarë dhe është një nga organizatat kriminale më të fuqishme në Ekuador.
Në qershor të vitit 2024, Thesari i SHBA-së sanksionoi bandën dhe e përshkroi atë si grup me "mijëra anëtarë" që ka kontribuar ndjeshëm në rritjen e dhunës në Ekuador.
Dhuna dhe vrasjet janë rritur ndjeshëm në këtë vend vitet e fundit, pasi është bërë qendër e madhe e trafikimit të kokainës dhe bandat rivale konkurrojnë për kontroll. Ekuadori nuk e prodhon drogën, por ndodhet pranë vendeve të mëdha prodhuese të drogës, si Peruja dhe Kolumbia.
Edhe
Ekstradohet në SHBA trafikanti ekuadorian i drogës
Shumë anëtarë të Los Lobos janë në burg dhe banda mendohet se ka nxitur disa nga trazirat më të përgjakshme në burgjet e Ekuadorit.
Banda mendohet se ka lidhje me kartelin e fuqishëm të Jalisco New Generation në Meksikë.
