78 vjetori i sulmit atomik në Nagasaki

Nagasaki ka shënuar, të mërkurën, 78-vjetorin e bombardimit atomik të qytetit. Pikërisht në këtë ditë kryetari i bashkisë bëri thirrje për eliminimin e armëve bërthamore, raporton agjencia AP.

Shiro Suzuki, kryebashkiaku i Nagasakit, tha se “tani është koha për të treguar guxim dhe për të marrë vendimin për t’u çliruar nga varësia e armëve bërthamore”, duke u bërë thirrje kështu udhëheqësve të shteteve që të shfuqizojnë armët bërthamore përmes dialogut dhe jo konfrontimit. Ndërsa kryeministri japonez, Fumio Kishida, përmes në një video-mesazhi deklaroi se vendi do të udhëheqë përpjekjet brenda komunitetit ndërkombëtar për një botë pa armë bërthamore, por vizioni po bëhet më i vështirë me komunitetin ndërkombëtar të përçarë për këtë vendim dhe me kontinuitetin e kërcënimeve të Rusisë për përdorimin e armëve bërthamore.