Numri i të vdekurve nga shirat e dendur dhe përmbytjet që shkatërruan pjesë të Filipineve gjatë fundjavës së Krishtlindjeve është rritur në 25, me 26 të tjerë të zhdukur.
Gati 400 mijë njerëz u prekën, me mbi 81 mijë ende në strehimore dhe nëntë të tjerë të lënduar, ka bërë të ditur Këshilli Kombëtar për Reduktimin dhe Menaxhimin e Rrezikut të Fatkeqësive.
Trazirat e motit kanë ndërprerë edhe festimet e Krishtlindjeve në provincat e prekura, me disa banorë, në provincën orientale Misamis u panë të varur në një litar teksa shpëtimtarët e rojës bregdetare i tërhoqën ata përmes përmbytjeve të thella.
Këshilli i Menaxhimit të Fatkeqësive ka njoftuar se mbi 1 mijë shtëpi u dëmtuan nga përmbytjet, ndërsa seksione të 123 rrugëve dhe 12 urave u prekën. Disa zona mbeten pa furnizim me energji dhe ujë.