Shkon në të paktën 32 numri i të vdekurve nga tërmeti në Filipine

Ka shkuar në të paktën 32 numri i të vdekurve si pasojë e një tërmeti me magnitudë 7,8 ballësh që ka goditur Filipinet jugore të hënën. 

Tërmeti ka goditur rreth orës 07:37 me kohën lokale, duke shkaktuar edhe alarm për cunami në Filipine, Indonezi, Japoni dhe Australi. Disa prej tyre janë anuluar në orët e mëvonshme. 

Pamjet e publikuara të momentit kur ka ndodhur tërmeti, tregojnë ndërtesa duke u shembur dhe njerëz të frikësuar. 

Më shumë se 100 njerëz kanë mbetur të lënduar në disa provinca të vendit, një numër i madh janë të zhdukur dhe 10,000 banorë janë evakuuar.