Tërmet prej 7,8 ballësh në Filipine, të paktën 16 të vdekur

Të paktën 16 persona kanë vdekur dhe më shumë se 200 të tjerë janë lënduar si pasojë e një tërmeti me magnitudë 7,8 ballësh në det të hapur në Filipinet jugore të hënën.

Tërmeti ka shkaktuar edhe një cunami prej 1 metri në brigjet e afërta. 

Disa ndërtesa janë shembur dhe infrastruktura kyç ka pësuar dëme në qytetin e General Santos, dhe dëme nga cunami u raportuan në të paktën një fshat bregdetar. Valë më të vogla u matën në Indonezi dhe Palau dhe deri në Japoninë jugore.

"Është një tërmet i madh dhe ne presim dëme”, ka thënë për Associated Press, Teresito Bacolcol, drejtor i Institutit Filipinez të Vullkanologjisë dhe Sizmologjisë.

Tërmeti më i fortë që ka goditur Filipinet këtë vit ishte i përqendruar në det pranë ishullit Mindanao në një thellësi prej 33 kilometrash, rreth 32 kilometra në jugperëndim të qytetit Maasim në provincën Sarangani, sipas Bacolcol.

General Santos, një qytet port me më shumë se 700,000 banorë që është një qendër industriale, ishte ndër më të goditurit.

Presidenti filipinas, Ferdinand Marcos Jr., ka thënë se "qeveria kombëtare po lëviz dhe ne nuk do ta lëmë pas Mindanaon".