Kampionia në fuqi dhe fituesja e trofeut të Kupës së Kosovës në basketboll, Trepça, ka vazhduar me formë të lartë.
Trepça të mërkurën mbrëma, ndonëse me vështirësi, arriti ta fitojë edhe ndeshjen e fortë në udhëtim te GO+ Peja. Me fitoren që u vendos pas vazhdimeve, Trepça e konfirmoi vazhdimin e dominimit në elitën e basketbollit kosovar.
Në palestrën “Karagaçi” në Pejë, në kuadër të xhiros së 22-të të Superligës së Kosovës në basketboll, Trepça e regjistroi fitoren e 13-të rresht, ecuri që nisi më 10 dhjetor në fitoren ndaj Bashkimit.
Fitoi ndaj GO+ Pejës me rezultatin 98:95.
Vendësit, që patën përforcime para mbylljes së afatit kalimtar dimëror, arritën ta fitojnë çerekun e parë me rezultatin 20:13.
Edhe
Kampionia nuk gabon në “Karagaçi”
Por, dallimin në rezultat, Trepça e bëri në periudhën e dytë të cilën e fitoi 29:18, për të shkuar në pushim me katër pikë dallim, 42:38.
Çereku i tretë i takoi skuadrës pejane 26:24, dhe në dhjetë minutat e fundit të ndeshjes hyri me dy pikë disavantazh, 66:64.
Madje 7 minuta e gjysmë para fundit, GO+ Peja kaloi në epërsi 71:70 me pikët e Musab Malës. Ishte pikërisht Mala që një sekondë para mbylljes së takimit qëlloi me saktësi për tri pikë për 87:87 për ta dërguar ndeshjen në vazhdime.
Edhe vazhdimet u vendosën në sekondat e fundit.
Ja’Cori Payne, gjashtë sekonda para fundit të gjithë ballafaqimit, shënoi për tre pikë për 98:95, rezultat me të cilin u mbyll edhe ndeshja.
Edhe
Trepça fiton ndeshjen dramatike në Pejë, kualifikohet në finalen e madhe
Tentimi i Cecil Williams për ta barazuar rezultatin ishte i pasaktë dhe fitorja me tre pikë u takoi mysafirëve.
Payne ishte më i dalluari në fitoren e Trepçës. Ai i shënoi 27 pikë dhe kontribuoi me pesë kërcime e tri asistime.
Me 16 pikë, pesë kërcime e po aq asistime në fitore kontribuoi Kenny Hasbrouck.
Cesare Edwards shkëlqeu te GO+ Peja, por që 30 pikët e 17 asistimet e tij nuk mjaftuan për ta shmangur disfatën. Ai e mbylli ndeshjen edhe me dy asistime.
Edhe
Trepça humb pas një kohe shumë të gjatë
Trepça vazhdon të mbetet lidere në elitë me 41 pikë, pas 19 fitoreve e tri disfatave.
GO+ Peja në vendin e katërt i ka 32 pikë.
