Filipinet janë shpallur fituese të edicionit të parë të “Eurovisionit” në Azi, i cili u mbajt në Bangkok të Tajlandës, ku për çmimin garuan përfaqësues të 11 shteteve.
Fitoren e vendit të saj e siguroi këngëtarja 19-vjeçare Carmelle, e cila që në fillim konsiderohej njëra prej favoriteve të garës. Ajo u paraqit me këngën “Sobra-Sobra”, një himn për fuqizimin e grave, që përfshinte edhe një pjesë ritmike repi mjaft tërheqëse.
Carmelle grumbulloi gjithsej 211 pikë, prej të cilave 93 nga juria profesionale dhe 118 nga votat e publikut. Në vendin e dytë u renditën përfaqësuesit e Tajlandës, MANG x DAOU, me 170 pikë.