Trepça është finalistja e parë e plejofit në Superligën e Kosovës në basketboll.
Finalen e madhe, skuadra mitrovicase e siguroi të dielën mbrëma me fitoren 103:96 ndaj Pejës në palestrën “Karagaçi”. Serinë gjysmëfinale, kampionia në fuqi e fitoi me rezultatin 3:1.
Ndeshja e së dielës ishte interesante. Skuadra pejane e fitoi çerekun e parë me rezultat 32:24. Por skuadra e verdhë sikur u ndal në çerekun e dytë, të cilin Trepça e fitoi me plot 20 pikë dallim, 34:14.
Pas pjesës së parë rezultati ishte 58:46 në të mirë të “xehetarëve”.
Çereku i tretë përfundoi 23:22 për Pejën, ndërsa rezultati pas 30 minutave ishte 80:69 në të mirë të Trepçës.
Peja megjithatë nuk u dorëzua. 1 minutë e 25 sekonda para fundit u afrua në vetëm një pikë, 92:91.
Dardan Kapiti më pas realizoi dy gjuajtje të lira për 94:91. Peja në anën tjetër të fushës dështoi në tentim për tri pikë, ndërsa Sek Henry realizoi treshe, 32 sekonda para fundit për 97:91. Kështu ndeshja u mbyll, ndonëse u shënuan edhe pikë të tjera.
Trepça humb pas një kohe shumë të gjatë
Akili Vining udhëhoqi Trepçën drejt fitores me 24 pikë, katër kërcime e katër asistime. Sek Henry i realizoi 18 pikë e dy kërcime, ndërsa Dardan Kapiti ndihmoi fitoren me 15 pikë e katër kërcime. 18 pikë i shënoi Kenny Hasbrouck.
Te Peja u dallua kapiteni Dardan Berisha me 24 pikë, gjashtë kërcime e pesë asistime. Daquan Bracey i kishte 31 pikë , tetë asistime e katër kërcime.
Ashtu si pritej, ndeshja ishte e tensionuar. Ka pasur fyerje të shumta të tifozëve, sidomos ndaj Drilon Hajrizit. Ka pasur edhe përplasje të lojtarëve të Pejës me Hajrizin.
Trepça tani e pret fituesin e gjysmëfinales mes Bashkimit dhe Borës. Në atë seri gjysmëfinale rezultati është 2:2. Ndeshja vendimtare zhvillohet të mërkurën mbrëma në Prizren.
Edhe
Trepça e pandalshme, e fiton gjysmëfinalen e parë
Trepça ndaj Pejës e fitoi ndeshjen e parë dhe të tretë në “Minatori”. Ndërkohë Peja e fitoi ndeshjen e kaluar para tifozëve të saj.
Peja në gjysmëfinale u kualifikua duke e eliminuar Golden Eagle Yllin në çerekfinale. Ndërkohë Trepça, si e para e stinorit të rregullt, plejofin e filloi prej gjysmëfinales.
