Përditësim, 20:33 - Bashkimi ka debutuar me humbje në fazën grupore të “FIBA Europe Cup”. Të enjten mbrëma, ashtu si pritej, nënkampioni i Kosovës u mposht në Zagreb nga skuadra e madhe kroate, Cibona.
Ndeshjen e zhvilluar në palestrën “Drazhen Petroviq”, Cibona e fitoi me rezultatin 93:79.
Ekipi i udhëhequr nga trajneri Igor Jovoviq e nisi mirë ndeshjen duke e fituar çerekun e parë 22:18. Më pas doli në pah eksperienca e basketbollistëve të Cibonës, që fituan 29:19 në periudhën e dytë dhe 27:15 në çerekun e tretë. Kjo edhe e bëri dallimin në fitore, pasi skuadra e portokalltë pavarësisht se e fitoi 10 minutëshin e fundit 23:19, nuk e shmangu disfatën me 14 pikë dallim.
Epërsia më e lartë e klubit kroat shkoi deri në 20 pikë.
Kyan Anderson ishte më i miri te Bashkimi me 22 pikë, një kërcim, një asistim e dy topa të vjedhur. Edhe Jan Palokaj pati lojë të mirë me 16 pikë, një kërcim, katër asistime e një top të vjedhur. Pikë dyshifrore te Bashkimi pati vetëm edhe Isaiah Cousins, 15 gjithsej. Ai kontribuoi edhe me tri kërcime e dy asistime.
Për Bashkimin është paraqitja e parë në skenën kontinentale.
Bashkimi pëson tjetër humbje në “FIBA Europe Cup”
Në raundin kualifikues të “FIBA Europe Cup” u ndal pas dy ndeshjeve nga Anwili i Polonisë, por avancoi në fazën grupore si njëra prej skuadrave më të mira humbëse.
Në grup me Bashkimin janë edhe Dijoni francez dhe Reggiana italiane. Reggiana e mposhti të enjten Dijonin në ndeshjen e parë, 96:88.
Në stinorin e rregullt të “FIBA Europe Cup” garojnë plot 40 skuadra, ndërsa vetëm fituesit e dhjetë grupeve avancojnë në raundin e dytë.
Tutje kalojnë edhe gjashtë ekipet më të mira të pozitës së dytë nga dhjetë grupe sa janë në total.
Në fazën grupore të kësaj gare është edhe Trepça, kampionia e Kosovës.
Trepça e humbi ndeshjen e parë në Grupin F të mërkurën mbrëma, në udhëtim te PAOK-u grek.
Në grup me Trepçën janë edhe Braunschweigu grek dhe Anwili polak. PAOK-u e Braunschweigu i prijnë Grupit F pas xhiros së parë.
Bashkimi po humb nga Cibona pas pjesës së parë
Bashkimi i Prizrenit është duke humbur pas pjesës së parë në ndeshjen e parë të Grupit J të “FIBA Europe Cup”.
Pjesa e parë e ndeshjes Cibona – Bashkimi u mbyll 47:41. Ballafaqimi po luhet në Zagreb.
Bashkimi për herë të parë po garon në Evropë.
Tjetër humbje për Bashkimin në “FIBA Europe Cup”
Në raundin kualifikues të kësaj gare u ndal pas dy ndeshjeve nga Anwili i Polonisë, por avancoi në fazën grupore si njëra prej skuadrave më të mira humbëse.
Në grup me Bashkimin dhe Cibonën janë edhe Dijoni francez dhe Reggiana italiane.
Reggiana e fitoi ndeshjen e parë të këtij grupi ndaj Dijonit 96:88.
