BMW Seria 8 debutoi në vitin 2018, kështu që pas pak më shumë se tre vjetësh, ka rifreskuar tre modelet nga kjo seri.
Ridizajnimi përfshin të gjithë gamën e modeleve të Serive 8 - Coupe, Cabriolet dhe Gran Coupe, dhe ndryshime të vogla janë të dukshme brenda dhe jashtë.
BMW nuk e ka ndryshuar shumë dizajnin e jashtëm, gjë që nuk pritet gjatë një ndërhyrjeje të tillë në mes të ciklit të prodhimit të veturës.
Grila e përparme është ridizajnuar duke ndryshuar elementet vertikale në të. Gama e ngjyrave është pasuruar me pesë nuanca të reja: Skyscraper Grey metalike, San Remo Green metalike, Portimao Blue metalike, BMW Individual Frozen Tanzanite Blue metalike dhe Frozen Pure Grey, dhe dy versione të reja opsionale të rrotave të aliazhit janë në dispozicion të klientëve.
Brenda, ndryshimi më i madh do të jetë në panelin e instrumenteve, ku BMW ka zëvendësuar ekranin e mëparshëm digjital 10.25 inç me një ekran 12.3 inç Live Cockpit Professional.
Të gjitha modelet M850i xDrive do të ofrohen me logon klasike të BMW Motorsport në kapakun, bagazhin dhe te rrotat, në vend të stemës tradicionale BMW.
Përkatësisht, kompania feston 50-vjetorin e ekzistencës së BMW M GmbH dhe, siç thonë ata, logoja e re kujton logon e parë që prodhuesi gjerman përdori në veturat e saj të garave në vitin 1973.
Nga ana tjetër, M8 nuk do të shitet më, por M8 Competition do të mbetet në treg.
Ky model përfshin gjithashtu ndryshime të vogla si në rastin e versionit standard të Serisë 8, por ruan një pjesë të përparme.
Motorizimi është i pandryshuar dhe në krye të Serisë 8 mbetet i famshëm V8 4.4 twin-turbo me 625 kf (460 kW) dhe 750 Nm.
Fuqia transmetohet në të katër rrotat nëpërmjet një automatiku me 8 shpejtësi.
{gallery}
