Toyota njoftoi sot se po punon për të prodhuar një veturë të re hibride për partnerin e saj, Suzuki në Britaninë e Madhe, një lajm i mirë për industrinë britanike të veturave, e vënë përballë sprovës së Brexit.
Kompania japoneze sqaroi për mediet se do të ofronte “një automjet hibrid elektrik” për bashkëkombasin e saj Suzuki, e frymëzuar nga modeli Toyota Corolla Wagon.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMotorët do të prodhohen në Deeside (Uells) dhe pjesët e veturës do të bashkohen në Burnaston (Anglia Qendrore).
“Automjeti i ri i cili do të hidhet në treg nga Suzuki do të prodhohet në Britaninë e Madhe nga fundi i vitit 2020”, shtoi Toyota, por pa specifikuar nëse vendet e punës do të krijoheshin në vend.
Ky model do të ofrojë qëndrueshmërinë e aktivitetit tregtar të fabrikave në fjalë, në një kohë kur ky sektor po përjeton pasiguri përballë Brexit.
“Ky është një lajm i mirë për fabrikat tona në Britaninë e Madhe”, u shpreh Marvin Cooke, drejtor i përgjithshëm i Toyotas në Britaninë e Madhe.
“Të prodhosh automjete shtesë për klientë të tjerë është një shembull i përpjekjeve tona për të mbajtur aktivitetet tona prodhuese në Britaninë e Madhe sa më konkurruese”, shtoi ai./atsh