Shefi i Grupit Parlamentar të “Vetëvendosjes”, Glauk Konjufca, dhe deputetja nga kjo parti, Albulena Haxhiu, kanë thënë se dorëheqja e ish- prokurorit Elez Blakaj ka shpërfaqur nivelin e kapjes së shtetit dhe ndikimeve politike mbi sistemin e drejtësisë, raporton KTV.
Për këtë shkak, sipas tyre, qytetarët në vazhdimësi duhet të kërkojnë dorëheqjen e kryeprokurorit Aleksandër Lumezi dhe tre liderëve të lartë shtetëror.
Pas zhvillimeve të fundit në Prokurori, Lëvizja “Vetëvendosje” ka kërkuar shkarkimin e kryeprokurorit Aleksandër Lumezi por edhe të tre liderëve të lartë politikë, Hashim Thaçit, Ramush Haradinajt dhe Kadri Veselit.
E një gjë e tillë, sipas dy deputetëve të kësaj partie, mund të arrihet vetëm me mobilizim të qytetarëve.
Deputetët e VV-së i kanë ftuar të gjithë të angazhohen maksimalisht, derisa t’i largojnë nga pushteti ata që i kanë quajtur kapës të shtetit, të cilët sipas tyre, e kanë kthyer sistemin e drejtësisë në një kolaps.
Sipas Vetëvendosjes, letra e Blakajt ka treguar se ata që janë të thirrur ta luftojnë krimin dhe korrupsionin janë të ndikuar nga pushteti.
Edhe
Vetëvendosje me protestë “ngre aktakuzë” për Thaçin, Veselin e Lumezin
Ndërkaq, deklarimet e kryeministrit Haradinaj i kanë quajtur kërcënim direkt ndaj prokurorit Blakaj por edhe prokurorëve të tjerë dhe gjyqtarëve.
Kjo parti do t’i bashkohet protestës së shoqërisë civile, e ku kërkohet dorëheqja e kryeprokurorit dhe vetting në sistemin e drejtësisë.
-
Protestat nuk ndalen deri në shkarkimin e Lumezit
-
Organizatat e shoqërisë civile përkrahin protestën për shkarkimin e kryeprokurorit Lumezi
-
VV i bashkohet protestës kundër Lumezit, fjalorin e Haradinajt quan “kërcënim për Blakajn”
-
Protestë për shkarkimin e kryeprokurorit Lumezi dhe veting sistemit gjyqësor