Kryenegociatori i Kosovës me Bashkimin Evropian, Jeton Zulfaj, ka reaguar pasi në hapje të Forumit të Zgjerimit të Bashkimit Evropian është interpretuar muzika e këngës nacionaliste serbe kundër Kosovës. Zulfaj ka thënë se është skandaloze dhe e papranueshme ajo që ngjau në Bruksel dhe po pret përgjigje nga komisionerja për zgjerim e Bashkimit Evropian, Marta Kos, nën udhëheqjen e të cilës po mbahet aktiviteti.
“Një këngë nacionaliste serbe, që mohon shtetësinë e Kosovës dhe që u shkrua në kohën kur kasapi i Ballkanit, Millosheviqi, po i shfuqizonte të drejtat e Kosovës dhe po e shtypte popullin tonë, u interpretua në hapje të Forumit të Zgjerimit të BE-së. Kjo është skandaloze e papranueshme. Një aktivitet i BE-së për zgjerimin nuk mund t’i japë skenë nacionalizmit serb. Komisioneres Kos ia lëmë të shpjegojë se si ndodhi kjo dhe çfarë masash do të ndërmarrë, si dhe pse Kosova, vendi me përparimin më të madh demokratik në Ballkanin Perëndimor gjatë kësaj dekade dhe plotësisht e harmonizuar me politikën e jashtme dhe vlerat e BE-së, nuk ishte ftuar”, ka shkruar Zulfaj në platformën “X”.
E kryenegociatori i Kosovës për dialogun me Serbinë, Agron Bajrami, ka thënë se interpretimi i muzikës së këngës nacionaliste serbe kundër Kosovës në një aktivitet zyrtar të Komisionit Evropian është e papranueshme.
Bajrami në një postim në “X” ka thënë se pret sqarim nga Komisioni Evropian dhe komisionerja për zgjerim Marta Kos lidhur me mënyrën se si u përzgjodh dhe u miratua ky repertor.
“Në koncertin e hapjes së Forumit të Zgjerimit të BE-së në Bruksel, të organizuar nga Komisioni Evropian nën drejtimin e komisioneres Marta Kos, u interpretua kënga nacionaliste serbe “Oj Kosovo, Kosovo”. Ky nuk është shkëmbim kulturor. Kënga promovon pretendime të qarta politike mbi territorin e Republikës së Kosovës. Përfshirja e saj në një aktivitet zyrtar të Komisionit Evropian, kushtuar zgjerimit, unitetit dhe marrëdhënieve të fqinjësisë së mirë, është e papranueshme. Republika e Kosovës pret një sqarim të menjëhershëm nga Komisioni Evropian dhe komisionerja Kos lidhur me mënyrën se si u përzgjodh dhe u miratua ky repertor. Vlerat evropiane, marrëdhëniet e fqinjësisë së mirë dhe besueshmëria e procesit të zgjerimit të BE-së nuk mund të pajtohen me dhënien e një platforme pretendimeve irredentiste kundër një vendi që synon anëtarësimin në Bashkimin Evropian”, ka shkruar Bajrami në platformën “X”.
Edhe
Muzika e këngës nacionaliste serbe kundër Kosovës interpretohet në Bruksel në prag të Forumit të Zgjerimit të BE-së
Muzika e këngës nacionaliste serbe kundër Kosovës është interpretuar në Bruksel, në hapje të Forumit të Zgjerimit të Bashkimit Evropian, që organizohet nga Komisioni Evropian nën udhëheqjen e komisioneres për zgjerim Marta Kos.
Edicioni i dytë i këtij Forumi ka nisur sot dhe mbaron të hënën. Kosova nuk është e ftuar në këtë Forum.
Një ditë para ngjarjes kryesore, në kuadër të mbrëmjes hapëse, është interpretuar ndër të tjera edhe muzika e këngës nacionaliste serbe “Oj Kosovo, Kosovo”.
Sipas programit më 15 nëntor ishte paraparë të interpretonte orkestra e të rinjve të Ballkanit Perëndimor, së bashku me grupin slloven “Kapobanda”. KOHA ka siguruar videon e interpretimit të muzikës.
Në programin e ditës kryesore, më 16 nëntor, është paraparë të mbajnë fjalime presidentja e Komisionit Evropian, Ursula von der Leyen, presidenti i Finlandës, Alexander Stubb, dhe komisionerja për zgjerim Marta Kos. Pritet të flasë edhe kryeministri i Shqipërisë, Edi Rama.
Ekspertja e politikës së jashtme, Donika Emini, ka shpjeguar për KOHËN se aktiviteti i organizuar kishte për qëllim trajtimin e çështjeve që lidhen me Ballkanin Perëndimor.
Ajo ka thënë se, në hapje të forumit, ishte paraparë interpretimi i këngëve të vendeve kandidate dhe i atyre që janë të përfshira në procesin e zgjerimit të Bashkimit Evropian.
Edhe
Bajrami pas skandalit në Bruksel: Kosova pret sqarim të menjëhershëm nga KE-ja dhe komisionerja Kos
Sipas Eminit, orkestra kishte interpretuar këngë nga vende të tjera, por situata ndryshoi kur erdhi radha e Kosovës.
“Doli titulli i këngës që ishte shumë problematik dhe më pas u interpretua vetëm instrumental”, ka treguar Emini.
Ajo ka sqaruar se, në rastin e Kosovës, këngëtari nuk e kishte kënduar tekstin e këngës, ndonëse titulli i saj ishte shfaqur.
Emini ka thënë se pjesëmarrësit nga Kosova dhe Shqipëria mbetën të shokuar nga ajo që ndodhi.
“Unë u shokova, dola menjëherë jashtë dhe e lëshova sallën. Duke dalë, u kam folur edhe pjesëmarrësve të tjerë nga Kosova dhe kam kërkuar të di se kush e kishte zgjedhur këtë këngë dhe kush ishte përgjegjës”, ka deklaruar ajo.
Emini do të jetë një nga folëset në forum, si themeluese e think-tankut "d-square"
Edhe
Zulfaj për Raportin e Progresit: KE-ja është konservative në nota
We are appalled by reports from an EU Enlargement event in Brussels tonight. A Serbian nationalist song denying Kosova's statehood, written when the butcher of the Balkans, Milošević, was abolishing Kosova's rights and suppressing our people, was performed at the opening of the EU Enlargement Forum. This is scandalous and unacceptable. An EU event on enlargement cannot give a stage to Serbian nationalism. We will leave it to Commissioner Kos to explain how this happened and what measures she will take, and why Kosova, the biggest democratic climber in the Western Balkans this decade and fully aligned with EU foreign policy and EU values, was not invited. https://t.co/YxP1dehpID
— Jeton Zulfaj (@JetonZulfaj) November 15, 2026