Zjarrfikësit në Kosovë kanë arritur që gjatë të shtunës të lokalizojnë zjarrin në 55 nga 57 vatrat e regjistruara gjatë ditës, ka bërë të ditur Agjencia e Menaxhimit Emergjent.
Nuk janë dhënë detaje për dy vatrat që vazhdojnë të jenë aktive.
E Agjencia e Menaxhimit Emergjent ka njoftuar se vatra më e rrezikshme dhe ajo me përmasa më të mëdha ka qenë në lagjen “Pajtimi” në Shtime. Aty disa qytetarë janë detyruar të marrin trajtim mjekësor si pasojë e ekspozimit ndaj tymit.
Agjencia ka apeluar që qytetarët të shmangin çdo veprim që mund të shkaktojë zjarr dhe që të raportojnë te numrat emergjentë, 112, 193 dhe 192 kurdo që shohin zjarre.