-
Nga:
Ardit Kika
- 1 nëntor 2022 10:50
- Shpërndaje në:
Është shtyrë për të premten seanca e paraparë të mbahej këtë të martë në Gjykatën Themelore në Prishtinë, për rastin e vrasjes së politikanit serb, Oliver Ivanoviq.
Seanca është shtyrë për shkak të mossigurimit të paraqitjes së dëshmitarëve para trupit gjykues. Vazhdimi është paraparë nga ora 9:30 të premten.
Për vrasjen e Ivanoviqit akuzohen Nedeljko Spasojeviq, Marko Roshiq, Rade Basara dhe Silvana Arsoviq. Së fundmi për rastin u arrestua edhe M.M. që gjendet në paraburgim. Disa të dyshuar të tjerë janë në arrati.
Ivanoviq ishte vrarë në janar të 2018-s, para selisë së partisë së tij në Mitrovicën e Veriut.
