Sekuestrohen pasuritë e ish-kryeprokurorit të përgjithshëm të Shqipërisë

Gjykata e Krimeve të Rënda ka pranuar kërkesën e prokurorisë për vendosjen e masës sekuestro për disa nga pasuritë e paluajtshme të ish-prokurorit të përgjithshëm Adriatik Llalla, bën të ditur abcnews. Në njoftimin zyrtar të prokurorisë janë renditur një apartament banimi me sipërfaqe rreth 67 m² në Durrës dhe rreth 17 mijë e 750 metër katrorë tokë arë në zona të ndryshme të Tiranës.

Vlera e tregut e pasurive të paluajtshme të mësipërme, në total është në shumën 98 milionë e 772 lekë. Kërkesa e Prokurorisë së Krimeve të Rënda ka ardhur pasi janë janë krijuar dyshime të arsyeshme se disa pasuri të paluajtshme në zotërim të ish-kryeprokurorit Adriatik Llalla përbëjnë produkt të veprës penale.