Qershitë japoneze planifikohet të mbillen në shumë pjesë të kryeqytetit

Tridhjetë fidanë të qershive japoneze janë mbjellë të enjten, në parkun para ndërtesës së ish-Rilindjes.

Ky lloj i fidanëve, sipas qytetarëve, do të ndikojë në ajër më të pastër, raporton emisioni 038 i KTV-së.

E, Isak Rakovica, drejtor i ndërmarrjes “Hortikultura”, ka thënë se kjo ndërmarrje do të kujdeset për këta drunj dhe se të tillë duhet të mbillen edhe në pjesë tjera të qytetit.

Ministrja e Punëve të Jashtme e Japonisë, Toshiko Abe, ka thënë se fidanët e dhuruar janë shenjë nderimi për Kosovën, si dhe ka treguar që këto pemë njihen për rritje të shpejtë.

Ndërkaq, kryetari i komunës së Prishtinës, Shpend Ahmeti, ka çmuar kontributin e lartë të Japonisë për Kosovën, për një mjedis më të pastër. Japonezët më parë kanë dhuruar edhe kamionë pastrimi.

Edhe Arbëri 22 shk 2019 Mbillen drunj Sakura në Prishtinë, që simbolizojnë miqësinë japonezo-kosovare

Në nëntor të 2018, komuna e Prishtinës ka subvencionuar ndërmarrjen publike “Hortikultura” me makineri për mirëmbajtjen e hapësirave të gjelbra në kryeqytet.

Kryetari i Prishtinës, Shpend Ahmeti, ka bërë të ditur se në hapësirat e kryeqytetit do të mbillen edhe 6 mijë e 700 drunj dekorativë.