Pasuria e sekuestruar dhe e konfiskuar e Radoiçiqit: 3.5 mln € - vetëm vila në Ujman 2 mln €

Vila e ndërtuar ilegalisht në pronë të shtetit është pasuria më e vlefshme e Radoiçiqit, sipas vlerësimit të Agjencisë. Ajo përbën më shumë se gjysmën e vlerës totale të pasurive të sekuestruara e të konfiskuara në lidhje me rastin e Banjskës. Pasuria e të kërkuarit nga organet e drejtësisë në Kosovë është vlerësuar 3 milionë e 430 mijë e 748.50 euro

Gati dy milionë euro është vlerësuar vila e Milan Radoiçiqit, organizatorit të sulmit në Banjskë, e ndërtuar buzë liqenit të Ujmanit.

Vlerësimi është bërë nga Agjencia për Administrimin e Pasurisë së Sekuestruar ose të Konfiskuar, nën menaxhimin e së cilës përveç vilës janë edhe pasuritë e tjera të Radoiçiqit në Kosovë.

Vila e ndërtuar ilegalisht në pronë të shtetit është pasuria më e vlefshme e Radoiçiqit, sipas vlerësimit të Agjencisë.

Ajo përbën më shumë se gjysmën e vlerës totale të pasurive të sekuestruara e të konfiskuara në lidhje me rastin e Banjskës.

Pasuria e të kërkuarit nga organet e drejtësisë në Kosovë është vlerësuar 3 milionë e 430 mijë e 748.50 euro.

Edhe Arbëri 11 jan 2025 Gjithsej katër policë ruajnë ish-vilën e Radoiçiqit

Prej tyre 3 milionë e 103 mijë e 178.5 euro pasuri të paluajtshme, ku përveç vilës bën pjesë edhe banesa penthouse në vlerë 644 mijë e 400 euro, restoranti në vlerë 400 mijë eurosh, zyra në vlerë prej 82 mijë e 65 eurosh si dhe një banesë në vlerë 69 mijë e 220 euro.

Krahas tyre në duar të shtetit janë edhe 31 automjete të konfiskuara e 8 të tjera të sekuestruara në vlerë prej 327 mijë e 570 eurosh.

Të gjitha pronat e Radoiçiqit monitorohen e sigurohen përmes kamerave të sigurisë e nga Policia e Kosovës.

Sipas Agjencisë, kostoja mujore e administrimit dhe sigurimit të pronave është 420 euro.

“Fillimisht janë bërë përgatitjet dhe janë siguruar të dhënat e nevojshme (matjet e sipërfaqeve të objekteve etj.), ndërsa për gjetjet e tjera mund të informoheni nga Policia e Kosovës dhe Prokuroria. Gjyqtari është njoftuar në vazhdimësi lidhur me të gjitha veprimet e ndërmarra nga ana e Agjencisë për Administrimin e Pasurisë së Sekuestruar ose të Konfiskuar (AAPSK) lidhur me pasuritë në fjalë. Monitorimi dhe sigurimi bëhet përmes kamerave të sigurisë nga kompania e kontraktuar si dhe Policia e Kosovës. Varësisht nga nevoja për mirëmbajtje do të ndërmarrim veprimet e nevojshme”, thuhet në përgjigjen e Ministrisë së Drejtësisë në lidhje me veprimet e ndërmarra për pasuritë që lidhen me sulmin në Banjskë. “Ne përputhje me procedurat ligjore, AAPSK-ja ka ndërmarrë veprimet e duhura duke filluar nga evidentimi dhe fotografimi i gjendjes dhe gjësendeve në objekte. Janë zëvendësuar cilindrat në dyert hyrëse si dhe janë vendosur pajisjet për monitorim elektronik (kamerat dhe alarmet)”, thuhet më tej në përgjigje.

Edhe LAJMET E MBRËMJES 29 sht 2023 Bastisen pronat e Radoiçiqit në veri

Përveç veprimeve që janë ndërmarrë në lidhje me pronat, 10 muaj pasi institucionet e hetuesisë informacione nuk kanë dhënë mbi hetimin e sulmit të Banjskës.

Njohës të çështjeve të drejtësisë vlerësojnë se publiku e ndërkombëtarët është dashur të informoheshin për zhvillimet pa dëmtuar hetimin.

“Prokuroria Speciale në këtë rast ka mundur ta bënte një raport i cili do të mund të ndahej me institucionet ndërkombëtare deri në masën që ky raport prapëseprapë nuk i cenon integritetin e hetimeve, në mënyrë që të informohen partnerët ndërkombëtarë me atë çka ka ndodhur në Banjskë, por nuk mund të sakrifikojmë në proces kualitetin e hetimeve”, ka thënë drejtori i Institutit të Kosovës për Drejtësi, Ehat Miftaraj.

Mirëpo, ai shton se kualiteti i hetimeve nuk duhet të sakrifikohet me shpejtësinë e ngritjes së aktakuzës. Sipas Miftarajt, hetimi për rastin e Banjskës merr kohë për t`u zhvilluar shkaku i ekspertizës së provave që duhet të realizohen jashtë Kosove.

“Nëse Qeveria e Kosovës, Ministria e Punëve të Brendshme me të vërtetë kanë interes që rastet e tilla të trajtohen me prioritet, brenda afatit të arsyeshëm kohor, do të duhej që t`i ofronin kushtet minimale për prokurorinë, për policinë. Do të duhej që institutet e forenzikës, institutet e ndryshme që bëjnë ekzaminimin e provave të jenë funksionale në Kosovë dhe Kosova të mos ketë nevojë për gjëra të thjeshta të kërkoj ndihmë nga Maqedonia”, ka thënë ai.

Edhe Arbëri 1 maj 2026 Policia: “Vila e Radoiçiqit” vëzhgohet 24 orë nga kamerat, s’ka pasur asgjë të kundërligjshme

Ish-nënkryetari i Listës Serbe, Milan Radoiçiq, mori përgjegjësinë për sulmin në Banjskë të Zveçanit, i kryer më 24 shtator 2023, nga i cili mbeti i vrarë rreshteri Afrim Bunjaku.

Megjithëkëtë, ai vazhdon të jetë i lirë në Serbi derisa institucionet e Kosovës kanë ngritur alarmin për stërvitje të sërishme të grupit të tij, duke mos përjashtuar mundësinë e një sulmi tjetër.