Lëvizja Studentore për Barazi, “Studim, Kritikë, Veprim”, ka njoftuar se provimet që paraqiten për herë të dytë e tutje do të jenë pa pagesë.
Më 15 nëntor, siç njoftoi SKV, ka dorëzuar në MASHTI kërkesën për heqjen e pagesave për ata që paraqesin provimet për herë të dytë e tutje, dhe të martën kanë marrë konfirmimin se pagesat janë hequr.
“Ky është një lajm tjetër i mirë për studentët duke i ofruar atyre mundësi të barabarta për t'iu nënshtruar provimeve dhe duke lehtësuar procedurat e tjera administrative”.
SKV-ja njoftoi më tej se pavarësisht se sa herë studenti paraqet një provim, kjo do të jetë pa pagesë.
“Arsim publik falas, pa pagesë semestri, pa pagesë paraqitja e provimeve”, thuhet në fund të njoftimit.
Artikuj të ngjashëm
-
Rreth 200 studenteve iu refuzua aplikimi për bursë 1000-euroshe
-
Protestojnë sërish studentët shqiptarë në Maqedoninë e Veriut
-
Rritet për 10 euro pagesa për komisionerë e vëzhgues
-
Studentët e vitit të parë kërkojnë t’u lejohen provimet në afatet e prillit dhe të nëntorit
-
Studentët kërkojnë nga Rektorati që vlerësimi e rivlerësimi të bëhen në të gjitha njësitë