“Greva është zëri ynë”, “Pa paga s’ka punë”, “Rrogën tonë e kërkojmë”, janë disa nga pankartat të cilat punëtorët e Radio Televizionit të Kosovës (RTK) i kanë mbajtur në duar teksa kanë nisur grevën e tyre dyorëshe për mungesë të pagave, raporton Ekonomia Online.
Punëtorët e RTK-së janë futur në ditën e 24 të muajit nëntor dhe ende nuk kanë marrë pagat e tetorit.
Ata që nga fillimi i muajit kanë kërkuar nga Qeveria që të bëhet një zgjidhje, por kjo ende nuk ka ndodhur.
Punëtorët e RTK-së kanë mbetur pa paga pasi Kuvendi nuk e ka miratuar raportin vjetor të institucionit.