Shefja e stafit të presidentes së Kosovës, Vjosa Osmani, Learta Hollaj, ka mohuar që i janë ofruar nënshkrimet dhe përkrahja e Lëvizjes Vetëvendosje, presidentes Osmani.
Shefja e deputetëve të LVV-së, Arbërie Nagavci, në një konferencë për media deklaroi se Lëvizje Vetëvendosje ia ka ofruar nënshkrimet e deputetëve presidentes aktuale, Vjosa Osmani, për të plotësuar kushtin për të hyrë në garë edhe për një mandat.
Në një postim në Facebook, Hollaj ka thënë se kjo është gënjeshtër.
“Demant. Presidentja Osmani demanton se i janë ofruar nënshkrimet dhe përkrahja nga Lëvizja Vetëvendosje për rizgjedhje si Presidente e Republikës së Kosovës. Kjo është gënjeshtër!”, ka shkruar Hollaj.
Për reagimin e Hollajt, u pyet gjatë konferencës Nagavci. Ajo nuk është përgjigjur se kur i janë ofruar nënshkrimet por ka theksuar se i garanton nënshkrimet e Lëvizjes Vetëvendosje për Vjosa Osmanin.
“Unë sot i garantojë votat e Lëvizjes Vetëvendosje. Nëse flasim për nënshkrime të deputetëve. Nëse themi se nuk është e vërtetë. Sot jam e gatshme të garantojë në emër të Lëvizjes që do të ofrojë vota për të vazhduar në garë tutje”, tha Nagavci.
Orët e fundit të afatit për zgjedhjen e presidentit, Haxhiu: Duhen dy kandidatë për të thirrur seancë
Kryetarja e Kuvendit të Kosovës, Albulena Haxhiu, ka thënë se nuk mund të thërrasë seancë për...-
Manxhuka – Presidencës: Nëse keni dyshime ejani në LVV, do t’ju japim 33 nënshkrime
-
Nagavci: Ia kemi ofruar 30 nënshkrime Vjosa Osmanit, i ka refuzuar
-
Hollaj: Nënshkrimet do t’i pranonim nëse ato do të vinin me 57 votat e VV-së për Osmanin
-
Nagavci: S’jemi të interesuar për betejë politike me Osmanin
-
Hollaj i reagon sërish Nagavcit: Nuk garantuat vota për Osmanin, e ftuat vetëm për formalitet e të fajësohet pastaj opozita