Osmani për deklaratat e Lajçakut: Shqetësuese, nuk kanë të bëjnë fare me realitetin

Kryetarja e Kuvendit të Kosovës, Vjosa Osmani, ka thënë se deklaratat e të dërguarit të posaçëm të BE-së për dialogun Kosovë-Serbi, Miroslav Lajçak, lidhur me Asociacionin e Komunave me Shumicë Serbe nuk kanë të bëjnë fare me realitetin.

“Sa i përket konstatimit të tij lidhur me ndryshimin e Kushtetutës, e them se gjatë takimit kam deklaruar se duhet të respektohet Kushtetuta e Kosovës dhe nuk mund të themelohet asnjë pushtet i tretë e aq më pak organe me kompetenca ekzekutive në kundërshtim me Kushtetutën e Kosovës. Citimet e tij i shoh shqetësuese dhe ato nuk kanë fare të bëjnë me realitetin, realiteti është ajo që ne e kemi lëshuar si komunikatë zyrtare nga takimi me të”, tha ajo.

Osmani thotë se ajo që ka deklaruar Lajçaku në Serbi nuk është e vërtet, teka shton se si kryeparlamentare nuk është pajtuar asnjëherë që Asociacioni të themelohet duke u bazuar në Marrëveshjen e 2015-s.

“Ajo që ka deklaruar Lajçak në Serbi nuk është e vërtet. Si kryetare e Kuvendit nuk e kam thënë që pajtohem se Asociacioni të themelohet edhe në përputhje me marrëveshjen e vitit 2015 por e kam thënë të kundërtën që duhet të respektohet vendimi i Gjykatës Kushtetuese lidhur me Asociacionin”, ka shtuar ajo. 

Lajçak kishte thënë në Beograd se “Kushtetuta nuk është Bibël dhe se Kosova duhet ta ndryshojë atë për Asociacionin”.

Edhe Arbëri 31 jan 2024 Osmani: Lajçaku i mirëpriti shqetësimet për drafstatutin, tha se mund të akomodohen

Ndërkaq, nga mbledhja e kryesisë Osmani ka njoftuar se është vendosur mbi mbajtjen e tri nga pesë interpelancat me kryeministrin Avdullah Hoti të propozuara nga deputetët e Kuvedit të Kosovës, më 21 tetor. Tri interpelancat të mërkurën përfshijnë temat lidhur me anëtarësimin e Kosovës në organizata ndërkombëtare, mini-schengenin dhe qëndrimin e Qeverisë për Asociacionin e Komunave me Shumicë Serbe.