Presidentja e Kosovës, Vjosa Osmani, ka thënë se katastrofa humanitare në Rripin e Gazës dhe vuajtjet e civilëve të pafajshëm, veçanërisht fëmijëve, duhet të ndalojnë.
Ajo ka thënë se Kosova përkrah përpjekjet e SHBA-së, Katarit e Egjiptit për arritjen e një armëpushimin dhe lirimin e menjëhershëm të të gjitha pengjeve.
“Fëmijët kurrë s’i nisin luftërat! Por, janë ata që vuajnë më së tepërmi dhe i bartin pasojat më të mëdha të çdo konflikti. Katastrofa humanitare në Gaza dhe vuajtjet e civilëve të pafajshëm, veçanërisht fëmijëve, është zemërthyese dhe duhet të marrë fund. Çdo fëmijë, çdo familje, pavarësisht nacionalitetit apo fesë, është e çmuar dhe duhet të mbrohet. Ne përkrahim plotësisht përpjekjet për armëpushim të udhëhequra nga SHBA-ja, Katari dhe Egjipti, përfshirë përpjekjet për lirimin e menjëhershëm të të gjitha pengjeve. Në ndërkohë, sigurimi i qasjes ndaj ushqimit, ujit dhe barnave për më të cenueshmit duhet të jetë prioritet kyç për ta zbutuar vuajtjen në mesin e të pafajshmëve të shkaktuar nga lufta”, ka shkruar Osmani në platformën “X”.
Ajo ka thënë se përkrah angazhimin ndërkombëtar për arritjen e një paqeje të drejtë dhe të qëndrueshme, ku si izraelitët ashtu edhe palestinezët mund të jetonin në dinjitet, siguri dhe respekt të ndërsjellë.
“Derisa e ardhmja të realizohet, çdo tentim duhet të bëhet për të parandaluar humbje të mëtutjeshme të jetëve të pafajshme dhe për t’i zbutur vuajtjet e gjithë njerëzve”, ka shkruar Osmani.
Children never start wars! But they’re the ones who suffer most and bear the largest consequences of any conflict.
The humanitarian catastrophe in Gaza and the suffering of innocent civilians, especially children, is heartbreaking and must end. Every child, every family,…