Zyrtarët komunalë të Obiliqit janë akuzuar nga opozita në këtë komunë se nuk po e funksionalizojnë aparatin e e-kioskut, që gjendet në oborrin e objektit të administratës që prej vitit 2016.
Koordinatori i Qendrës së Lëvizjes Vetëvendosje në Obiliq, Sami Ahmeti, ka thënë se për shkak të kësaj është duke u ngarkuar Shërbimi i gjendjes civile në këtë komunë, ku dokumentet do të mundë të merreshin në e-kiosk më shpejt dhe pa pengesa burokratike, shkruan sot Koha Ditore. Sipas tij, shërbimet në sportele janë shumë primitive.
Por këto i kanë mohuar zyrtarët komunalë të Obiliqit. Drejtoresha për Mbrojtje të Mjedisit, Fitore Hashani, ka dërguar edhe një video duke e demonstruar nxjerrjen e një dokumenti në këtë e-kiosk. Sipas saj, ky aparat mund të jetë jashtë funksioni vetëm kur ndalet rryma.
Ndërsa, sa u përket fletëpagesave, ajo ka thënë se secili ofiqar i lëshon dëshmitë e pagesave nga qytetarët.
Por Sami Ahmeti ka insistuar se aparati i e-kioskut nuk ka qenë funksional. (Detajet mund t’i gjeni në numrin e sotëm të Kohës Ditore)
-
VV-ja s’e voton buxhetin për Obiliqin, ngre dyshime për keqpërdorime
-
Dyshime për keqpërdorim të parasë publike në projektin e Bibliotekës në Obiliq
-
Opozita akuzon pushtetin në Obiliq për paaftësi në menaxhimin e buxhetit
-
Vetëvendosje akuzon pushtetin në Obiliq për vjedhje të parasë publike
-
Opozita në Obiliq: Mungesa e këshillave të fshatrave po i konvenon pushtetit