S’është përmbushur zotimi i qeverisjes lokale për ndërtimin e Tregut të gjelbër për sivjet.
Projekti është peng, ngase operatorët privatë të cilët kishin pretendime të shpalleshin fitues të tenderit për ndërtimin e tregut kanë ankesa ndaj Zyrës së prokurimit në Gjilan për shkelje ligjore me rastin e zhvillimit të procedurave të prokurimit. Lënda tashti ka përfunduar në Organin Shqyrtues të Prokurimit (OSHP), ku edhe do të shqyrtohen ankesat e palëve.
Paneli shqyrtues ka një raport të ekspertit shqyrtues, i cili ka vlerësuar pretendimet e palëve. Sipas raportit të tij është vlerësuar se Zyra e prokurimit në Gjilan nuk i ka trajtuar në mënyrë të barabartë operatorët ekonomikë në këtë tender, shkruan sot Koha Ditore.
Raporti kërkon nga Paneli Shqyrtues të miratojë si të bazuar ankesën e operatorëve dhe të detyrohet që Zyra e prokurimit të zhvillojë procedurat nga e para.\Feim Azemi.
(Artikullin e plotë mund ta lexoni sot në “Koha Ditore”)
-
Tregtarët me protesta kërkojnë shtyrjen e punimeve në Tregun e Gjelbër të Gjilanit
-
Pas ankesave, OSHP-ja kthen në rivlerësim tenderin e Komunës për treg në Gjilan
-
Komuna e Prishtinës bindet se s’ka treg pa leje midis monumenteve
-
Komuna e Prishtinës s’ndalet, punime pa leje për treg midis monumenteve
-
Pas raportimit të KOHËS, Inspektorati pastron tregun, Komuna larg ndërtimit të të riut