Kryeministri në detyrë, Albin Kurti, ka kërkuar që Bashkimi Evropian t'i përgjigjet vullnetit të qytetarëve të Kosovës për integrim evropian me avancimin e vendit drejt statusit të kandidatit dhe hapjen e negociatave për anëtarësim.
Kështu është shprehur ai në takimin me drejtoreshën për Zgjerim dhe Fqinjësi të Bashkimit Evropian për Ballkanin Perëndimor, Valentina Superti, e cila po zhvillon vizitën e saj të parë në Kosovë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKurti tha se Bashkimi Evropian është një kontribuues i rëndësishëm në zhvillimin e Kosovës, ndërsa anëtarësimi mbetet synimi strategjik i vendit.
"Vullnetit të popullit tonë për anëtarësim, BE-ja duhet t'i përgjigjet me vullnet të ndërsjellë për pranim. Statusi i vendit kandidat dhe hapja e negociatave janë pikënisje e një procesi nga i cili Kosova forcon demokracinë dhe zhvillohet edhe më shumë", ka shkruar Kurti.
Ai theksoi se Kosova është lidere në rajon në sundimin e ligjit, luftën kundër korrupsionit, të drejtat politike dhe liritë civile, si dhe në indekset e zgjedhjeve dhe demokracive liberale.
Gjatë takimit me Supertin, sipas Kurtit, u diskutua edhe për Planin e Rritjes, integrimin e Kosovës në zonën "Roam Like at Home", Procesin e Berlinit, bashkëpunimin rajonal dhe përfaqësimin e barabartë, si dhe për infrastrukturën, tregtinë, digjitalizimin dhe arsimin.
