Drejtoria e Inspeksionit në Komunën e Prishtinës, ka njoftuar se hapësirat e uzurpuara në rrugën “Holger Petersen”, janë duke u shndërruar në hapësira të lira dhe të gjelbra.
“Hapësirat e uzurpuara në rrugën ‘Holger Petersen’ në kryeqytet po rikthehen në hapësira të lira dhe të gjelbëruara pas ndërhyrjes për lirimin e tyre nga Drejtoria e Inspekcionit, duke vepruar kështu sipas vendimeve të Drejtorisë së Pronës dhe projektit të Drejtorisë së Investimeve Kapitale në kryeqytet”, thuhet në njoftimin e Drejtorisë së Inspekcionit.
Sipas tyre me këtë veprim mundësohet krijimi i një korsie shtesë për qarkullimin e veturave si dhe trotuare më të zgjeruara.
“Ky aksion ndërlidhet me projektin për rregullimin dhe zgjerimin e një pjese të kësaj rruge që ka për qëllim të sigurojë korsi shtesë për qarkullimin e veturave, trotuare të zgjeruara dhe të lira për lëvizjen e këmbësorëve si dhe hapësira të gjelbra për rreth rrugës”, thuhet në njoftim.
