Lajmet në disa portale se polici V. H., që vrau një qytetar mëngjesin e sotëm në Gjilan, ishte pjesë e ekipit të mbrojtjes së afërt të kryeministrit në detyrë Ramush Haradinaj, i ka mohuar ky i fundit.
Më tepër se kaq, Haradinaj i ka parë këto lajme të nxitura nga një fushatë kundër tij, e që ka të bëjë me qëndrimin e palëkundur të tij kundër pazareve me kufijtë e Kosovës.
LEXO EDHE:
Më poshtë lexojeni të plotë e pa ndërhyrje postimin e Haradinajt:
Qëndrimi i palëkundur kundër ndarjes së Kosovës dhe kundër pazareve të errëta të këmbimit të territoreve, po vazhdon t’i pengoj shpifësve dhe propaganduesve, që në emër të informimit, qëllimshëm shpërndajnë dezinformata dhe të pavërteta, duke etiketuar emrin tim.
Përkundër që ne e dënuam vrasjen e një qytetari nga ana e një polici, bëmë thirrje për organet e rendit që të ndërmarrin veprimet e nevojshme ligjore dhe sqaruam që polici në fjalë, asnjëherë nuk ishte pjesë e ekipit tim të mbrojtjes së afërtë, disa mediume, të shtyrë nga propaganda e politikës së ndarjes, vazhdojnë ta etiketojnë dorasin si person të afërtë me emrin tim.
As kjo përpjekje dhe as njollosjet e mëhershme dhe as të tjerat që mund të vijnë, nuk do të na ndalin, që në çfarëdo detyre institucionale, ta mbrojmë Kosovën nga copëtimi dhe nga pazaret e një grusht profiterësh.
Edhe
Zyra e Kryeministrit dënon vrasjen e qytetarit nga një pjesëtar i Policisë në Gjilan
Kosova do të jetë ajo e 17 Shkurtit, për të cilën dhanë jetë luftëtarët tanë, sakrifikuan nënat dhe familjet tona, intelektualët tanë dhe çdo shqiptarë!
