Kryetari i Aleancës për Ardhmërinë e Kosovës, Ramush Haradinaj, ka ripërsëritur premtimin për rritje pagash për 50 për qind, për punëtorët e arsimit në të gjitha nivelet.
Në një takim të zhvilluar të mërkurën me delegacionin e Sindikatës së Bashkuar të Arsimit, Shkencës dhe Kulturës, derisa e ka përmendur programin zgjedhor, Haradinaj ka thënë se prioritet i Aleancës do të jetë edhe ngritja e buxhetit për arsim për 6 për qind.
“Në takim me delegacionin e SBASHK-ut, kryesuar nga z. Rrahman Jasharaj, u njoftova për sfidat me të cilat përballen mësimdhënësit dhe arsimi në përgjithësi. Po ashtu, me ta i ndava 14 prioritetet në sferën e arsimit që do të përfshihen në programin zgjedhor të AAK-së 2025-2029. E konfirmova synimin tonë për rritjen e pagave për punëtorët e arsimit në të gjitha nivelet për 50% si dhe ngritjen e buxhetit për arsim për 6%. Arsimi do të jetë prioritet i Aleancës”, ka shkruar Haradinaj në Facebook.
Muajin e kaluar, AAK-ja ka premtuar rritje të pagave e përmirësim të infrastrukturës fizike, si dhe rritje të buxhetit për këtë fushë.
-
Haradinaj premton dyfishim të pagave për të gjithë deri në vitin 2029
-
Haradinaj premton pagë mesatare 1100 euro dhe pensione 500 euro që në vitin e parë të qeverisjes
-
Haradinaj: Qeveria në vend që të bëhej aleate e mësimdhënësve, i ka goditur në xhep e dinjitet
-
AAK-ja premton rritje të pagave te punëtorët e arsimit për 50 për qind
-
AAK-ja përmbyll fushatën, Haradinaj premton dyfishim pagash dhe pensionesh