Ministri në detyrë i Punëve të Brendshme, Xhelal Sveçla, ka njoftuar të martën se është hapur njëra prej dy urave të reja mbi lumin Ibër në Mitrovicë, e që Qeveria nisi t’i ndërtojë së fundmi.
“Të dashur qytetarë të Mitrovicës dhe gjithë Kosovës, urime ura e re!” ka shkruar ai në Facebook.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër hapjen e urës njoftoi edhe zëvendësministri në detyrë, Hysen Durmishi, që publikoi një video duke e kaluar.
Ndërtimi i dy urave mbi lumin Ibër, njëra për kalimin e automjeteve dhe këmbësorëve, e tjetra vetëm për kalimin e këmbësorëve, është bërë pas një memorandumi ndërmjet Ministrisë së Infrastrukturës dhe dy komunave, asaj të Mitrovicës së Jugut dhe të Veriut.
Vlera totale për ndërtimin e tyre është rreth 3 milionë euro.
Por, pak pas fillimit të punimeve, Prokuroria Speciale i ka nisur hetimet për kontratën nën dyshime për keqpërdorim të fondeve publike.
Projekti ishte përcjellë edhe me reagime nga ndërkombëtarët.
Njëra nga urat e reja do të ketë gjatësi 51 metra dhe gjerësi 10 metra, me trotuare nga 1.5 metra, ndërsa tjetra do të jetë 41 metra e gjatë dhe 3.7 metra e gjerë.
Me këto dy ura të reja, numri i përgjithshëm i urave mbi lumin Ibër në Kosovë do të shkojë në 37. Ky lum ndan Mitrovicën në jug me shumicë shqiptare, dhe veri me shumicë serbe.
VIDEO: