Komisioni për Legjislacion, Mandate e Imunitete ka nisur diskutimet mbi amendamentet e propozuara nga presidentja Vjosa Osmani për zgjedhjen e presidentit direkt nga populli.
Kryetari i këtij komisioni, Përparim Gruda i Partisë Demokratike të Kosovës ka thënë se ato nuk mund të shqyrtohen.
“Jemi gati 14 vjet pas vendimit të Gjykatës Kushtetuese, pasi çështja është dërguar në gjykatë në vitin 2011. Pra, kemi kaluar çdo afat. Unë sot mendoj se komisioni nuk mund të shqyrtojë amendamente që kanë kaluar testin e Gjykatës Kushtetuese më shumë se një dekadë më parë”, ka thënë Gruda në mbledhjen e Komisionit.
Ai ka thënë se edhe Kushtetuta më nuk është e njëjtë si ajo që ka qenë atë kohë. Ai ka thënë se ndryshimi i Kushtetutës në procedura të shpejta për pak orë është në stilin e shteteve autoritare.
Gjatë diskutimit është përplasur me deputetët e Lëvizjes Vetëvendosje. Adnan Rrustemi i VV-së ka thënë se janë përmbushur elementet e kërkuara për ta proceduar në Kuvend, ndërkaq Artan Abrashi ka deklaruar se diskutimi duhet të orientohet vetëm te çështja se a duhet apo jo që presidenti të zgjidhet me votë nga populli.
Edhe Jehona Lushaku e Lidhjes Demokratike të Kosovës ka thënë se ndryshimet kushtetuese duhet të marrin kohë dhe debat më të gjerë.
Dështon zgjedhja e presidentit në ditën vendimtare
Ka dështuar zgjedhja e presidentit të enjten, që ishte dita e fundit sipas afateve kushtetuese. Seanca...-
Osmani kërkon ndryshime kushtetuese: Presidenti të zgjidhet direkt nga populli
-
Haxhiu: I bashkohem thirrjes së Presidentes për votimin e amendamenteve
-
Dështon zgjedhja e presidentit në ditën vendimtare
-
Komisioni miraton ndryshimet kushtetuese për presidentin
-
Vjosa Osmani dorëzon në Kuvend amendamentet për ndryshim të Kushtetutës, nis shqyrtimi i tyre