Policia e Kosovës ka bërë të ditur se të hënën është arrestuar një person që kërkohej përmes INTERPOL-it nga Maqedonia e Veriut.
N.R., që ka shtetësi të Kosovës dhe të Maqedonisë së Veriut kërkohet për “vjedhje të rëndë”.
Ai është ndaluar për 48 orë.
“Më datë 24.08.2026 rreth orës 21:00, zyrtarë të Policisë së Kosovës nga Drejtoria për Bashkëpunim Ndërkombëtar Policor në bashkëpunim dhe koordinim me njësitet tjera të policisë përkatësisht të stacionit policor të Ferizajt, kanë realizuar një operacion policor me ç’rast është bërë arrestimi i dyshuarit me inicialet (N.R.), i cili ka dy shtetësi, atë të Kosovës dhe të Maqedonisë së Veriut. Ky arrestim u realizua pasi që i njëjti kërkohej përmes INTERPOL-it me urdhër arrest ndërkombëtar lëshuar nga autoritetet e Maqedonisë se Veriut për veprën penale “Vjedhje e rëndë” dhe se i njëjti iu ishte shmangur drejtësisë. Me urdhër të Prokurorit Kujdestar i arrestuari është dërguar në ndalim policor për 48 orë për të vazhduar me procedurat tjera ligjore”, thuhet në njoftimin e Policisë së Kosovës.
-
Lushnjë, një person vret nënën e plagos rëndë babanë
-
Gërvalla për vrasjen e 25-vjeçares: Tjetër alarm i rëndë për shoqërinë e institucionet
-
Ndalohet një person për vdekjen e punëtorit në vendpunishte në Veternik
-
Gjykata i shpall të pafajshëm tre të akuzuarit për vrasjen e trefishtë në Gllogjan
-
Krejt çka dihet për vrasjen e gruas shtatzënë në Malishevë - detaje nga Policia, Prokuroria e QKUK-ja