Ka dështuar shkarkimi i kryetarit të Kuvendit të Maqedonisë së Veriut, Afrim Gashi, në interpelancën e mbajtur të martën mbrëma.
72 deputetë votuan kundër shkarkimit dhe 21 pro.
Grupi parlamentar i “Së Majtës” kishte dorëzuar interpelancë për shkarkimin e Gashit nga pozita e kryekuvendarit pas incidentit të presidentes Vjosa Osmani në Aeroportin e Shkupit. Në incident qe përfshirë sigurimi i Kuvendit të Maqedonisë së Veriut. Vetë Gashi ka thënë se nuk është pishman që ka ndërhyrë pasi pretendon se ka shmangur një tragjedi të madhe.
Fillimisht kishte pasur përplasje mes ekipit të presidentes Osmani dhe sigurimit të aeroportit të Shkupit. Incidenti kishte ndodhur më 1 gusht. Më pas, ka ndërhyrë edhe sigurimi i Kuvendit.
Artikuj të ngjashëm
-
Incidenti në Shkup, Gashi: Osmanit i dridhej zëri në telefon, parandaluam pasoja më të mëdha
-
Incidenti i Osmanit, kryeparlamentari Gashi: Sigurimi u përfshi për ta qetësuar situatën
-
Afrim Gashi zgjidhet kryekuvendar i Maqedonisë së Veriut
-
Kryetari i Kuvendit të Maqedonisë së Veriut uron Bashën, pret vazhdim të bashkëpunimit
-
Kryekuvendari i Maqedonisë së Veriut, Afrim Gashi, takon Konjufcën, Kurtin e Krasniqin