Deputetët e Partisë Demokratike të Kosovës (PDK) janë mbledhur në Kuvend, vetëm pak orë para skadimit të afatit kushtetues për konstituimin e legjislaturës së 11-të.
Mbledhja e grupit parlamentar të PDK-së vjen pasi kryesuesi i seancës konstituive, Avni Dehari, caktoi vazhdimin e seancës për nesër, pavarësisht kërkesave që ajo të mbahej brenda afatit të përcaktuar nga Gjykata Kushtetuese.
Deputetja Vlora Çitaku ka thënë në një konferencë se mbledhja është për të diskutuar për zhvillimet, teksa është zotuar se PDK-ja s’bëhet pjesë e “përmbysjes së rendit kushtetues”.
Ndër zhvillimet e fundit është edhe një letër që kryetari i Vetëvendosjes, Albin Kurti, ia ka dërguar kryetarit të PDK-së, Bedri Hamza. Aty i ka propozuar që PDK-ja ta marrë postin e kryeparlamentarit, e që VV-ja ta marrë postin e presidentit.
Më herët, edhe deputetja e Lidhjes Demokratike të Kosovës (LDK), Albena Reshitaj, u bëri thirrje deputetëve që të shkojnë në sallë sonte.
Dështon konstituimi i Kuvendit brenda afatit 30 ditësh
-
PDK-ja mblidhet sot në Kuvend
-
Kurti: Kemi nevojë për takim sqarues me Hamzën, PDK-ja të vijë të dielën në seancë
-
Vazhdimi i seancës thirret për orën 14:00
-
Kurti kërkon takim me Hamzën e Abdixhikun për nënkryetarët e Kuvendit
-
PDK-ja e LDK-ja konfirmojnë pjesëmarrjen në seancën “jashtë afatit kushtetues”