Deputetja e PDK-së, Vlora Çitaku, ka thënë se kryetari i LVV-së, Albin Kurti, duhet të reflektojë dhe ta ndërrojë kandidaten për kryeparlamentare.
“I bëjmë thirrje deputetit Kurtit të reflektojë, të zhbllokojë situatën, ta ndërrojë kandidaten, në mënyrë që institucionet të konstituohen. PDK-ja ka qenë e përgjegjshme dhe konstruktive gjatë gjithë kësaj periudhe. Do të mundohemi me çdo gjë për ta zhbllokuar situatën”, ka thënë ajo.
Çitaku nuk komentoi deklaratat e Kurtit gjatë intervistës së djeshme në RTK.
