Deputeti i Lëvizjes Vetëvendosje, Artan Abrashi, ka thënë se nëse kryetari i PDK-së Bedri Hamza, e pranon ofertën e kryeministrit në detyrë, Albin Kurti, për të mos e bllokuar zgjedhjen e presidentit, atëherë deputetja e PDK-së, Vlora Çitaku mund të bëhet kryeparlamentare.
Ky reagim i Abrashit erdhi pasi paraprakisht, Çitaku gjatë një fjalimi brenda sallës së Kuvendit ku ishin të pranishëm disa qytetarë, kërkoi thirrjen e seancës konstituive. Sipas Çitakut, ky institucion nuk guxon të mbetet i bllokuar.
“Vlora Çitaku mund të bëhet kryetare e kuvendit nëse Bedri Hamza e pranon ofertën e Albin Kurtit. PDK e fiton kryeparlamentarin vetëm dhe vetëm që të mos e bllokojë zgjedhjen e presidentit të ri”, ka thënë Abrashi në Facebook.
Para disa ditësh, në një ftesë dërguar Hamzës, Kurti ka thënë se e respekton vendimin e PDK-së për të mbetur në opozitë, por ka theksuar se konstituimi i Kuvendit dhe zgjedhja e presidentit janë procese që kërkojnë bashkëpunimin e të gjitha forcave politike.
Sipas Kurtit, kontributi real i PDK-së nuk është vetëm propozimi i emrit për nënkryetar të Kuvendit, por edhe pjesëmarrja në zgjedhjen e presidentit, gjë që, sipas tij, do ta shmangte mbajtjen e zgjedhjeve të reja.
Tensione në Kuvend, deputetët e PDK-së dhe Aleancës përplasen me të VV-së
-
Kurti ia ofron PDK-së kryeparlamentarin për president
-
Vlora Çitaku votohet për nënkryetare të Kuvendit
-
Kurti: U bë mirë që u konstituua Kuvendi, nënkryetari i dytë i takon PDK-së
-
VV: I votojmë Çitakun e Shalën për nënkryetarë të Kuvendit
-
Kurti: Kemi nevojë për takim sqarues me Hamzën, PDK-ja të vijë të dielën në seancë